Rais JAKAYA KIKWETE leo atazungumza na wananchi moja kwa moja kupitia utaratibu mpya kwa kusikiliza hoja zao, kujibu maswali, ushauri na kupata maoni juu ya mambo yanayohusu mustakabali wa nchi, serikali na maendeleo.
Rais atazungumza na wananchi hao kuanzia saa Mbili na nusu usiku hadi saa Nne kamili kupitia Shirika la Utangazaji nchini-TBC ambapo mazungumzo hayo yanatarajiwa kurushwa na vyombo vingine vya Televisheni na Radio.
Vituo vingine vitakavyorusha matangazo hayo ya moja kwa moja ni ITV, TVZ, Mlimani TV, Tumaini TV na Channel Ten huku TBC Taifa , Sauti ya Tanzania Zaznzibar, Radio Mlimani, Radio Clouds, Radio Tumaini na Radio Uhuru nazo zikirusha matangazo hayo.
Katika mazungumzo hayo, Rais JAKAYA KIKWETE atapokea moja kwa moja maswali, maoni, hoja na ushauri kupitia nambari za simu zifuatazo 2772448, 2772452 na 2772454 au ujumbe mfupi kupitia nambari 0788500019, 0714591589 au 0764807683.
Halikadhalika wananchi wanaweza kutuma ujumbe kwa njia ya barua pepe kupitia anuani swalikwarais@yahoo.com.
No comments:
Post a Comment